» चिलिमेले शेयरधनीलाई लाभाशं र बोनस शेयर दिने

३० कार्तिक २०७४, बिहीबार

चिलिमे जलविद्युत् कम्पनीले आफ्ना शेयरधनीलाई १० प्रतिशत नगद लाभाशं र १५ प्रतिशत बोनस शेयर दिने भएको छ । कम्पनीको सम्पन्न २१ औँ वार्षिक साधारणसभाले १० प्रतिशत नगद लाभाशं र १५ प्रतिशत बोनस शेयर दिने प्रस्ताव पारित गरेको हो । कम्पनीले कुल ६०० मेगावाट क्षमताको आयोजना निर्माण गरेर सञ्चालनमा ल्याएपछि शेयरधनीलाई शतप्रतिशत बोनस दिने हैसियतमा पुग्ने जनाइएको छ । कार्यक्रममा नेपाल विद्युत् प्राधिकरणका कार्यकारी निर्देशक एवं कम्पनीका अध्यक्ष कुलमान घिसिङले जलविद्युत्मा कम्पनीले आगामी केही वर्षभित्र एक खर्ब ५० अर्ब बराबरको लगानी गर्ने बताउनुभयो ।
कुल २२ मेगावाट क्षमताको आयोजना निर्माण शुरु गरेर अगाडि बढेको कम्पनीले अहिले रसुवागढी, माथिल्लो साञ्जेन, साञ्जेन र मध्य भोटेकोशी जलविद्युत् आयोजना निर्माण गरिरहेको छ । ती आयोजनाको कुल क्षमता २७० मेगावाट रहेका छ । यस्तै कम्पनीले निकट भविष्यमा नै करिब ६ सय मेगावाट क्षमताको आयोजना निर्माण गर्ने तयारी गरेको छ ।
कार्यकारी निर्देशक घिसिङले नेपालको जलविद्युत् क्षेत्रमा चिलिमे कम्पनीले कमाएको इज्जतलाई सम्मान गर्दै अगाडि बढ्न प्राधिकरण तयार रहेको बताउनुभयो ।
उहाँले कम्पनीसँग भएका आयोजनामा मात्रै नभई प्राधिकरणका अन्य आयोजनामा समेत लगानी गर्ने वातावरण तयार हुने विश्वास व्यक्त गर्नुभयो ।

सम्बन्धित समाचार



तपाईंको प्रतिकृयाहरू


ताजा अपडेट

खेलकुद